धनकुटा । नेपाली कांग्रेस पाख्रिवास नगर समितिका उपसभापति चन्द्र वस्नेतलाई मातृशोक परेकाे छ । उनका आमा तथा नेपाली कांग्रेस धनकुटाका अभिभावक गंगावहादुर वस्नेतका धर्मपत्नी कांग्रेस सदस्य तथा अभिभावक डम्वर कुमारी वस्नेतको असमायिक निधन भएको छ ।
नेपाली कांग्रेस धनकुटाले मृतकको पार्थिव शरिरमा चार तारे झण्डा ओढाएर अरुण नदीको लेगुवाघाटमा अन्त्यष्टि गरिएको छ । नेपाली कांग्रेस धनकुटाका जिल्ला सभापति दिनेश राई, पाख्रिवास नगरपालिका नगरप्रमुख ज्ञानबहादुर गुरुङ, जिल्ला सचिव विजय सन्तोषी राई, सदस्यहरु अम्विका धमला, डि वि मोक्तान, पूर्वजिल्ला सदस्यहरु इन्दिरा पौडेल, रेखा पुरी, पाख्रिवास नगर सभापति प्रेम भण्डारी, सचिवद्वय वीरबहादुर थापा, सन्तोष मानन्धर, सदस्यहरु सुष्मा गुरुङ, वडा नं. ५ का सभापति पासाङ्ग तामाङ, नेपाल तरुण दल धनकुटका सभापति युवराज पराजुली, नेपाल महिला संघकी क्षेत्रीय अध्यक्ष डम्वरकुमारी अधिकारी लगायतले पार्टीको चार तारे झण्डा कांग्रेसका अभिभावक स्वर्गीय डम्वर कुमारी वस्नेतको पार्थिव शरिरमा ओढाएर सम्मान गर्दै अन्तिम श्रद्धाञ्जली अर्पण गरेका थिए ।
महालक्ष्मी नगरपालिका र पाख्रिवास नगरपालिकाको सिमाना अरुण नदी स्थित लेगुवा घाटमा उनको सम्मान पूर्वक अन्त्येष्टि गरिएको थियो । नेपाली कांग्रेस धनकुटका अभिभावक स्वर्गीय डम्वर कुमारी वस्नेतको जिवनीको वारेमा पाख्रिवासका सचिव वि वहादुर थापाले प्रकाश र डम्वर कुमार वस्नेतको निधनले निधनले नेपाली कांग्रेस धनकुटालाई अपुरणीय क्षति पुगेको जिल्ला सचिव विजय सन्तोषी राईले वताए ।
