धनकुटा । धनकुटा जिल्ला बुढीमोरङका पूर्वसभापती तथा धनकुटा कांग्रेसका अभिावक वरिष्ठ समाजसेवी स्वर्गीय भुवानीप्रसाद राईको सम्मानमा नेपाली कांग्रेस धनकुटाले श्रद्धाञ्जली कार्यक्रम गरेको छ ।
नेपाली कांग्रेस धनकुटा क्षेत्र नं. १ का पूर्वउपसभापती भविता राईको बुबा तथा तत्कालीन् बुढिमोरङका पूर्ववडासभापति वरिष्ठ समाजसेवी स्वर्गीय भुवानी प्रसाद राईको पाँचौ पुण्यतिथिको अवसरमा नेपाली कांग्रेस धनकुटाले तेम्वाङमा श्रद्धाञ्जली कार्यक्रमको आयोजना गरेको हो ।
सो अवसरमा नेपाली कांग्रेस धनकुटाका जिल्ला सचिव विजय सन्तोषी राईले धनकुटा कांग्रेसका अभिभावक वरिष्ठ समाजसेवी भुवानी प्रसाद राईको निधनले नेपाली कांग्रेस धनकुटाले एक सच्चा अभिभावक गुमाएको र उनको निधनले नेपाली कांग्रेस धनकुटालाई अपुरणीय क्षती पुगेको वताउदै स्वर्गीय राई प्रति श्रद्धाञ्जली र परिवारजनमा समवेदना व्यक्त गरेका थिए ।
यसैगरी नेपाली कांग्रेस धनकुटाका जिल्ला सदस्यहरु रमशे ईवाहाङ्ग, तीर्थ राई, क्षेत्रीय सभापति तथा साँगुरीगाउँपालिकाका अध्यक्ष जितेन्द्र राई, सागुरीगढी गाउँपालिकाका कांग्रेस सभापति नेपालधन राई, पूर्व जिल्ला सदस्य मोहन वान्तवा, वडा नं. १ का सभापति भूपेन राई, वडा नं. २ का उपसभापति राजेन्द्र इङनाम, नेपाल शिक्षक संघ धनकुटाका सचिव रोहिणी पाण्डे, शिक्षक संघ साँगुरीगढीका सचिव गिता चेम्जोङ, सदस्य कुमारी लिम्बु, नेपाल तरुण दलका साँगुरीगढी गाउँपालिका कोषाध्यक्ष लक्ष्मी लिम्बु, धनकुटा नगरपालिका कार्य पालिका सदस्य भोगेन्द्र राई लगायतले कांग्रेसका अभिभावक पूर्वसभापति स्वर्गीय राई प्रति श्रद्धाञ्जली अर्पण गर्दै परिवारजनमा समवेदना व्यक्त गरेका थिए । ६९ बर्षको उमेरमा निधन भएका कांग्रेस अभिभावक वरिष्ठ समाजसेवी भुवानीप्रसाद राईको एक श्रीमती, छोरीहरु भविता राई र छोरा हरीभगत राई रहेका छन् ।
नेपाली कांग्रेस साँगुरीगढीका सभापति नेपालधन राईको संयोजकत्वमा सम्पन्न कार्यक्रममा नेपाली कांग्रेस धनकुटा जिल्ला कार्य समिति, क्षेत्रीय कार्य समिति क्षेत्र नं. १, साँगुरीगढी गाउँपालिका कार्य समिति, वडा समितिहरु, नेपाल शिक्षक संघ, तरुण दलको तर्फबाट कांग्रेस अभिभावक स्वर्गीय भुवानीप्रसाद राईको परिवारजनमा समवेदना पत्र समेत प्रदान गरिएको थियो ।